ఒకప్పుడు సరుకుల లిస్ట్ రాసుకుని దగ్గరలోని షాప్ కి వెళ్ళి వెచ్చాలు తెచ్చుకునే వాళ్లం. ఇప్పుడు సరుకులతో పాటు కూరగాయలు, పండ్లు.. వగైరా కావాల్సిన అన్నీ ఒకేచోట లభించేలా సూపర్ మార్కెట్ లు, ఆన్ లైన్ షాపింగ్ కాన్సెప్ట్ లు వచ్చాక చేతికొచ్చిన వస్తువులతో ట్రాలీలు నింపేస్తున్నాం. నిజానికి నాణ్యమైనవి, పోషక విలువలున్నవి ఎంచుకునే అవకాశం ఇప్పుడే ఎక్కువ. కానీ డిస్కౌంట్ రేట్ మీద ఉన్న దృష్టి వెయిట్ ట్యాగ్, ప్యాకింగ్ మరియు ఎక్స్పైరీ డేట్స్ ట్యాగ్ ల మీద ఉండడం లేదు. అలాగే వస్తువుయొక్క పోషక లేబుల్స్ ని కచ్చితంగా చదవాల్సి ఉంటుంది. ముఖ్యంగా సహజ గుణం, తక్కువ కొవ్వు, చక్కర లేకుండా ఉన్న వస్తువులను గుర్తించాల్సి ఉంటుంది. అలాగే శరీరానికి పోషక విలువలు ఎలా అందుతాయన్నది తెలుస్తుంది. అన్నీ పోషక విలువలు అవసరమే కనుక ఉప్పు, మంచి నూనె.. వగైరా వస్తువులను అవసరాన్ని బట్టి నెలనెలా మార్చుకోవచ్చు. వైద్యుల సూచనల మేరకు కొన్ని రకాల ఆహారపదార్థాలను వాడకుండానూ ఉండవచ్చు. ప్యాకింగ్ లపై వెజిటేరియన్, నాన్ వెజిటేరియన్ ఫుడ్ సింబల్స్ తో పాటు విత్ మిల్క్, విత్ ఎగ్.. వగైరా ముందే చూసుకోవాలి. వస్తువుల నాణ్యతతో పాటు ఎంత కాలం అవి వినియోగించ వచ్చో, ఎలా భద్రపరచాలో కచ్చితంగా తెలుసుకోవాల్సిన అవసరం ఉంది. లేదంటే కల్తీ వస్తువులతో డబ్బు వృధానే కాకుండా ఆరోగ్యం గుల్లవడం ఖాయం.
No comments:
Post a Comment