సైక్లింగ్ తో ఆరోగ్యం | Health Benefits of Bicycle Riding

నడక తరువాత ప్రాధాన్యం ఉన్న వ్యాయామం - సైక్లింగ్.  దీంతో కాళ్లు, చేతులు, భుజాలు, వెన్ను, పొట్ట - ఇతర కండరాల రక్త ప్రసరణ మెరుగై ఆరోగ్యవంతులవుతారు. సైకిల్‌ను ఒక క్రమపద్ధతిలో తొక్కడం వల్ల శ్వాసక్రియ మెరుగుపడుతుంది. అలాగే శరీరంలో ఉన్న కొవ్వు కరిగి స్థూలకాయం ఏర్పడే ప్రమాదం ఉండదు. శారీరకంగానే కాక
మానసికంగానూ ఎన్నో లాభాలున్నాయి అంలున్నారు నిపుణులు. అయితే సైకిల్ ఎంపిక, నిర్వాహణలో చిట్కాలు చూద్దాం..

ఆన్ లైన్ లో సైకిల్ ధర తక్కువుందనో, మోడల్స్ ఎక్కువున్నాయనో కొనడం ఏ మాత్రం మంచి పద్ధతి కాదు. షాపుకెళ్లి సరియైనది ఎంచుకోవలసి ఉంటుంది. దీనితో సైజులో, బరువులో సరిపోయినవే కాక అభిరుచికి అనుగుణంగా మోడల్, రంగు ఎన్నుకునే అవకాశం ఉంటుంది.
 

సైకిల్ సరిగ్గా సరిపోవడం అంటే సీటుపై కూర్చుని హైండిల్స్ సౌకర్యంగా పట్టుకున్నప్పుడు రెండు కాళ్ల పాదాలు పూర్తిగా నేలపై ఆనాలి. ఫెడల్స్ సునాయసంగా తొక్కగలగాలి. బ్రేక్ లు వేయగానే సైకిల్ వెంటనే ఆగేలా ఉండాలి. సైకిల్ బెల్, క్యారేజ్, వాటర్ బాటిల్ హోల్డర్ తదతర ఉపకరణాలు అన్నీ అత్యవసరం, ప్రయోజనకరం. ట్రాఫిక్ లో సైకిల్ తొక్కవలసి ఉన్నప్పుడు హెల్మెట్ కూడా తప్పక కొనాల్సి ఉంటుంది.
 

సైకిల్ రైడ్ కి వెళ్లే ముందు కచ్చితంగా ట్యూబ్ లలో గాలి సరిపడా ఉందోలేదోనని టైర్ లని పరీక్షించాలి. అలాగే బ్రేక్ లు, ఇతర ఫిటింగ్స్ పనితనం ముందుగానే చూసుకుని కదలాలి.
 

సీట్ ఎత్తుకి సమంగా హైండిల్ బార్ ని అడ్జస్ట్ చేసుకోవాలి. సైకిల్ తొక్కడానికి వీలుగా, అంటే కాళ్లు సౌకర్యవంతంగా కదిపేలా సీట్ ని కొంచం ముందుకి వంచుకోవచ్చు.
 

సైకిల్ వెనకాల రేడియం స్టిక్కర్ లు, ముందు లైట్ ఉంటే రాత్రివేళల్లో సైకిల్ తొక్కడం సునాయసం అవుతుంది. ఇవి విధిగా సైకిల్ కి ఉండాలి కూడా.

సైకిల్ వినియోగంతో పర్యావరణ పరిరక్షణనే కాక నిత్యం కనీసం అరగంట తొక్కగలిగితే శారీరక, మానసిక ఉల్లాసం పొందవచ్చు.  సైకిల్‌ తొక్కటం ద్వారా ఒత్తిడిని దూరం చేసుకోవటంతో పాటు కండరాల పుష్టికి దోహదం చేస్తుంది. పోటీ ప్రపంచంలో వయసుతో సంబంధంలేకుండా వచ్చే అనేక రకాల రగ్మతలను దరి చేరకుండా సైక్లింగ్ ద్వారా చూసుకోవచ్చని వైద్య నిపుణులు సూచిస్తున్నారు.

https://www.youtube.com/c/vantintichitkalu