ద్రాక్షపండు.. ఇందులో యాంటీఆక్సిడెంట్ లు, ఖనిజాలు, విటమిన్ లు.. ఇలా పోషక విలువలు పుష్కలంగా ఉంటాయి. శరీరంలో కొలెస్ట్రాల్ శాతం తగ్గించుకోవడానికి వీటిని తీసుకోవడం ఒక మార్గం. విటమిన్ - ఎ, విటమిన్ - సి, బి-కాంప్లెక్స్, కెరొటిన్ మొదలైన వాటితో పాటు ద్రాక్ష ఐరన్, కాపర్, మెగ్నీషియం వంటి ఖనిజాలు శరీరానికి సమృద్ధిగా అందిస్తుంది. ఇవి ఎముకల్లో దృఢత్వం పెంచుతాయి. వీటిని విరివిగా తీసుకోవడం వల్ల శ్వాస సంబంధమైన సమస్యలను శాశ్వతంగా అధిగమించవచ్చు. ఊపిరితిత్తులను ఆరోగ్యవంతంగా ఉంచడంలో ద్రాక్ష దోహదం చేస్తుంది. అజీర్తి సమస్యకు ద్రాక్షపండు దివ్యౌషధం అని చెప్పవచ్చు. ఎండుద్రాక్షలో ఐరన్ పుష్కలంగా ఉంటుంది. ఇది రక్తహీనత ఏర్పడకుండా కాపాడుతుంది. అంతేకాకుండా సౌందర్యపోషణలోనూ సహజసిద్ధమైనది. ద్రాక్షపండ్లతో తయారయిన పేస్ట్ ఒక మంచి ఫేస్‌ప్యాక్. దీంతో చర్మం మృదుత్వం సంతరించుకుంటుంది.
కంటినిండా నిద్ర, వీలైనంత ఎక్కువగా ద్రాక్ష పండ్లను తినడం ద్వారా సంతానలేమిని సైతం జయించవచ్చని తాజా అధ్యాయనాలు చెప్తున్నాయి. మహిళల్లో నెలసరి సక్రమంగా లేకపోవడం, విపరీతమైన కడుపునొప్పి.. ఇలాంటి ఎండోమెట్రియోసిస్ లక్షణాలను నియంత్రించి గర్భం ధరించడానికి అవసరమైన పక్వదశలో ఉన్న అండాలను విడుదల చేయడంలో ద్రాక్ష ఉపకరిస్తుంది.
తరచూ ద్రాక్షను తీసుకోవడం మంచిదని ఆరోగ్య నిపుణులు సూచిస్తుంటారు. అయితే అన్నీ సీజన్ లలో అందుబాటులో ఉండక 'అందని ద్రాక్ష పుల్లన' చందంగా కాకుండా ఎండుద్రాక్షను కూడా నిరభ్యంతరంగా వాడుకోవచ్చు. కాకపోతే వీటి మంచినీటితో ఒకసారి కడగడం మరవద్దు. వీటిని నేరుగా కాని, రాత్రి గ్లాస్ నీళ్ళలో నాలుగు కిస్మిస్ (నల్లవి) నానపెట్టి ఉదయాన్నే తీసుకోవడం కాని చేయవచ్చు. ఇక సమ్మర్ లో అయితే గ్రేప్ జ్యూష్ రుచికి, దాహం తీర్చడానికి అత్యుత్తమం. మరి ఈ ద్రాక్ష షర్బత్‌ ఇంట్లోనే తయారు చేసుకోవడం ఎలా..
ముందుగా సమ్మర్ స్పెషల్ ఫ్రూట్ జ్యూసుల్లో మంచి ఫ్లేవర్ ను, ఆరోగ్యాన్ని అందించే మసాలపొడిని సిద్ధం చేసుకోవాలి. దీనికి ఇలాయిచీలు, దాల్చినచెక్క, లవంగాలు.. దోరగా వేయించి మెత్తని పొడిలా చేసుకుంటే సరిపోతుంది. కొన్ని పళ్ళను శుభ్రపరచి జ్యూసర్‌లో వేసుకుని ద్రాక్షరసం సిద్ధం చేసుకోవాలి. సర్వ్ చేసేటప్పుడు సరిపడా చల్లనినీళ్లలో ఈ రసం, కాస్త మసాలతో పాటు రుచికి తేనె చేర్చాలి.
కంటినిండా నిద్ర, వీలైనంత ఎక్కువగా ద్రాక్ష పండ్లను తినడం ద్వారా సంతానలేమిని సైతం జయించవచ్చని తాజా అధ్యాయనాలు చెప్తున్నాయి. మహిళల్లో నెలసరి సక్రమంగా లేకపోవడం, విపరీతమైన కడుపునొప్పి.. ఇలాంటి ఎండోమెట్రియోసిస్ లక్షణాలను నియంత్రించి గర్భం ధరించడానికి అవసరమైన పక్వదశలో ఉన్న అండాలను విడుదల చేయడంలో ద్రాక్ష ఉపకరిస్తుంది.
తరచూ ద్రాక్షను తీసుకోవడం మంచిదని ఆరోగ్య నిపుణులు సూచిస్తుంటారు. అయితే అన్నీ సీజన్ లలో అందుబాటులో ఉండక 'అందని ద్రాక్ష పుల్లన' చందంగా కాకుండా ఎండుద్రాక్షను కూడా నిరభ్యంతరంగా వాడుకోవచ్చు. కాకపోతే వీటి మంచినీటితో ఒకసారి కడగడం మరవద్దు. వీటిని నేరుగా కాని, రాత్రి గ్లాస్ నీళ్ళలో నాలుగు కిస్మిస్ (నల్లవి) నానపెట్టి ఉదయాన్నే తీసుకోవడం కాని చేయవచ్చు. ఇక సమ్మర్ లో అయితే గ్రేప్ జ్యూష్ రుచికి, దాహం తీర్చడానికి అత్యుత్తమం. మరి ఈ ద్రాక్ష షర్బత్‌ ఇంట్లోనే తయారు చేసుకోవడం ఎలా..
ముందుగా సమ్మర్ స్పెషల్ ఫ్రూట్ జ్యూసుల్లో మంచి ఫ్లేవర్ ను, ఆరోగ్యాన్ని అందించే మసాలపొడిని సిద్ధం చేసుకోవాలి. దీనికి ఇలాయిచీలు, దాల్చినచెక్క, లవంగాలు.. దోరగా వేయించి మెత్తని పొడిలా చేసుకుంటే సరిపోతుంది. కొన్ని పళ్ళను శుభ్రపరచి జ్యూసర్‌లో వేసుకుని ద్రాక్షరసం సిద్ధం చేసుకోవాలి. సర్వ్ చేసేటప్పుడు సరిపడా చల్లనినీళ్లలో ఈ రసం, కాస్త మసాలతో పాటు రుచికి తేనె చేర్చాలి.
