వేసవి ఎండలు అప్పుడే చురుక్కుమనిపిస్తున్నాయి. గతంతో పోలిస్తే ఈ సమ్మర్ లో ఎండలు, వడగాలులు ఎక్కువగా ఉంటాయని నిపుణులు హెచ్చరిస్తున్నారు. వేసవి తాపం నుంచి ఉపశమనం పొందడానికి, వడదెబ్బ తగలకుండా ఉండటానికి, చక్కటి ఆరోగ్యానికి కొబ్బరినీళ్లు ఉపకరిస్తాయి. ప్రకృతి ప్రసాదించిన కొబ్బరిబోండాలలోని నీళ్లలో ఉండే ఖనిజ లవణాలు అప్పటికప్పుడు శక్తిని అందజేస్తాయి. వీటిలో అతి తక్కువగా ఉండే కొవ్వు పదార్థం వల్ల లావెక్కెస్తామని భయం లేదు. బోండాంలో ఉండే ఎలక్ట్రోలైట్స్, నీటివల్ల తక్షణం శక్తి అందడం, చర్మం నిగారింపుతో ఉండటం సాధ్యమవుతుంది. మనకు కావలసిన కాల్షియం, మెగ్నీషియం, ఫాస్పరస్, పొటాషియం, సోడియం లాంటి ఎలక్ట్రోలైట్స్.. ఇందులో మెండుగా ఉంటాయి. పరిమిత స్థాయిలో గ్లూకోజ్ ఉంటుంది. అధిక రక్తపోటును నియంత్రించేందుకు కొబ్బరినీళ్లు ఉపయోగపడతాయి. కొబ్బరినీళ్లలోని పీచుపదార్థంవల్ల పేగులు శుభ్రపడతాయి.
No comments:
Post a Comment