వ్యక్తిగత శుభ్రత కేవలం ఒకరికి మాత్రమే మేలు చేస్తుంది. అదే ఓ ఇంటిని శుభ్రంగా ఉంచగలిగితే కుటుంబసభ్యులందరు ఆరోగ్యంగా ఉంటారు. అందుకే ఇంటి శుభ్రత బాధ్యత ఏ ఒక్కరి మీదో పడేయకుండా అందరూ గుడ్ హౌస్ కీపింగ్ మీద దృష్టి పెట్టాల్సిన అవసరం ఉంది. అప్పుడే ఇంటిళ్ళిపాది రోగాల బారిన పడకుండా, వైద్య చికిత్సలంటూ అనవసరంగా డబ్బు ఖర్చు ఉండదు. ఇంటిని, పరిసరాలను శుభ్రంగా ఉంచాలంటే కాలానుగుణంగా కొన్ని పనులు తప్పక చేయాల్సి ఉంటుంది. రోజూవారి పనుల్లో ఇల్లు, పాత్రలు, దుస్తులు.. శుభ్రపరచుకోవడం సాధారణమే. వీటికి అదనంగా వారానికి ఒకసారైనా బెడ్ షీట్స్ మార్చడం, డైనింగ్ టేబుల్ క్లాత్ మార్చడం, టీవి వగైరా పరికరాలను డస్టింగ్ చేయాలి. అలాగే నెలకు ఒకసారి ఇంటిని పూర్తిగా దుమ్ము ధూళి, బూజు లేకుండా దులిపి వస్తువులను సర్దుకోవాలి. ముఖ్యంగా కిచెన్ లో ఉండే గూళ్ళు, కుళాయి, సింక్ లను శుభ్రపరచడం తప్పనిసరి. బొమ్మలు, క్రాకరీ, బుక్స్ ఉండే అల్మారాలు నీట్ గా లేకపోతే అనేక పురుగులు చేరే అవకాశం ఉంది. ఆరు నెలలకోసారి పరుపును డస్ట్ క్లీన్ చేసుకుని తిప్పి వేయడం, దిండ్లు నలిగిపోకుండా ఉన్నాయా అని సరిచేసుకోవడం చేయాలి. ఇవి శుభ్రంగా లేక పోవడం వల్ల నిద్ర భంగం తప్పదు. అంతేకాకుండా పలు రకాల ఎలర్జీలు దరిచేరుతాయి. పైగా కాలం చెల్లిన దిండు, పరుపుల వల్ల మెడ, నడుము నొప్పులకు ఆస్మారం ఎక్కువ. ఫ్యాన్, వాషింగ్ మిషన్, రిఫ్రిజిరేటర్, మైక్రోవేవ్ ఓవెన్‌ను తదితర పరికరాలను తప్పకుండా తరచూ శుభ్రం చేసుకోవాలి. లేదంటే మొండి మరకలు, క్రిమీకీటకాలు సంచరించడం జరుగుతుంది.
No comments:
Post a Comment